真假難分

最近靜左一排，大家都以為冇咩事發生，原來唔係架，跟住落黎你就知！
近排雞雞姐姐搵緊人接手*(佢)間按摩院，因為未有水魚出現，佢只好搵身邊既獵物喇。
原來係佢既學員當中不乏有米之人，有一日佢就叫左一個賺錢買花帶既師九阿奇入房。
雞雞就開口講喇‧‧‧‧‧‧公司做得幾好你地都知啦，而家想搵人頂左去，唔知阿奇你有冇興趣呢？阿奇就二話不說講喇：有呀！如果四十零萬都有人頂架，雞雞就面口都變晒，幾十萬做得乜，起碼要一百粒先得，阿奇就問喇：一百粒乜野呀！係咪一百粒米呀！雞就答喇：係一百萬呀！阿奇心諗你精我都唔笨，一百萬你比我咩，咁阿奇就同雞雞講，咁就幫唔到你喇，咁大投資邊有咁多本錢，我有好多野做，等價錢岩再傾啦，我出返去先喇！
過左幾日，雞雞突然收到封信，係佢一班師九股東搵律師寄左信比佢，要求佢交代公司既現況，就係咁雞雞就怒氣沖沖，因為公司既所有都亂過亂葬崗，一時訴諸法律，令佢好似發雞瘟(好彩唔係h5n1)唔係人傅人就慘慘喇！
原本一班師九發現公司一直有錢賺，但未有分過錢，而每一次問雞雞佢都耍太極話未做好數，所以佢地心覺有問題而作出呢次行動。黎緊重有爆炸性發展，待續。
注*因為呢間按摩院佢一直話有份，但實質證據唔覺有，所以就‧‧‧

疑似香港小姐

今日艷雞姐姐約左成班師九傾生意(其實去左飲茶)，話講市場計劃喎，梁師九梗有去啦。
未開始入正題前梗係熱下身先啦，點熱身？交流下資訊八下先囉。
梁師九就醒起雞雞姐姐好似選過d咩，但諗極都諗唔起，就問喇：艷雞你N年前係咪選過d咩架？
雞雞想左一想，回答佢：香港小姐囉，陳年舊事啦！提黎做咩。
本來呢個問答應該係句號，但成班師九就當左係新聞咁講，原來佢(雞雞姐姐)以前參選過香港小姐既。
傳到去818耳邊，但據有料人士提供(選美發消友)其實佢當年係選電視妖女既，重唱左隻極難聽既二百度。
原來所有香港地區舉辦既選美都可以叫做香港小姐，但你唔比人係有去參加過但唔入選咩！
如果係咁就應該叫疑似香港小姐先最岩佢。

轉營

梁師九發覺到學院根本冇利潤，只好跟艷雞姐姐討論一番轉營意向。
因為學校前途不明朗，收生不足，梁師九只好提出要殺校，但奠小姐一心為人師表，現在不能誤人子第，實屬遺憾，但現實係無情既，佢只好退一步暫不收生。 (想收都冇得收)
因為按摩院生意不錯，所以就想搞大佢，搞大唔係話咁易架，要融資。
雞雞姐姐就提出每個股東加注，但只有梁師九應承，可能因為其餘股東只有按摩院股份，而一直都沒有錢分過，所以不想再投資，而梁師九就非一般想法，有不成功便成仁的目標，所以就‧‧‧只得佢拎左錢返黎搞大間按摩院喇，點解會只得佢拎錢，咁就要比艷雞姐姐講下野喇：就咁~我唔係唔出，而係你(梁師九)拎錢返黎搞左先，我用份糧去扣，咁咪一樣囉！你拎20萬，咁我扣下扣到20萬咪一樣大家都係出咁多錢係咪。
就係咁轉左營搞大左同錯晒添喇！

後記學員心聲

B囡(化名)我黎報名果陣又話輕柔易學，呢d手作野，你話點都得架啦，你話我唔得又要補考，如果要考第二次又要比過錢再考，你估我衰咩唔合格呀！衰摺床喎，我黎學技術架，你估黎學執房咩，都搵笨既！
我覺得佢學校既師資好有問題，同一個人教既(奠老師教)，每堂教返上堂野都有出入，佢重要話我地會outdate，佢既按摩術經常要update，計我話佢d野都未成熟，就拎出黎開班，你估你係咩呀！成日要update，好明顯你d野根本有問題，我交左萬幾文學費，原來係學左outdate野囉，回水呀！

80 20定律

艷雞姐姐真係好勤力，佢為左要創一番事業，好努力咁鑽研按摩書，一定要係裡面毛特快一招半式，佢既理想係要成為一個自稱自創再自稱既DR.，有一次，雞雞姐姐去見客，佢見到人第一件事就係，你叫我DR.得喇，神經病！
佢終於開左所謂既學院喇，為左有學生，梁師九就搵左班條條fing既fans黎學，雞雞姐姐可能人緣唔係咁好，所以所有學生都係梁師九搵番黎既，咁努力搵都係一為神功二為第子啦，錢錢錢錢‧‧‧但班條條fing真係想唔到，考試成績只有20%合格，80%要補考，之後結果都係冇變。
唔合格既學員係冇資格領取政府資助金，而且話因為未達佢既標準，所以唔可以用佢地既技術喎。之後就冇左80%學生，得返20%收入喇。

心x心妝的誕生

話說艷雞姐姐選完N年前既電視妖女之後，拍左電視，好似叫咩大運羅。
之後就冇晒影，佢依靠咩搵食就唔知道喇，但據有料人士報稱(x師九)，x師九既妹夫就搞上左雞雞，呢d最衰都係d男人唔好，搞搞陣！搞到人地(雞雞)做左狐狸精，之後雞雞就車輪轉咁浮沉係男人身邊，學會左乾坤大羅移。
唔知點解阿艷雞姐姐就一心去左學按摩，可能諗住有一技傍身，又容易埋身，一舉幾得就去左一間乜乜乜學按摩喇。學按摩都幾多人去學架，有男有女，由學生到醫生都有去學，咁更係有師九去學啦，粱師九就有興趣去學埋一份喇，就係咁雞雞就同粱師九相交左。
其實梁師九都有佢既工作架，佢本身係賣護膚品既，佢又咁貪靚，岩晒佢啦！佢又生左個同佢咁上下樣既靚女，擁有一個好典型既香港家庭，佢亦都係好典型既師九，貪便宜同埋易呃囉，呢兩樣野都係缺一不可架，貪心就易上當，好多野唔怪得人既，個個都安份守己就唔會咁多騙案啦。
話咁快各自都學有所成喇，奠艷雞姐姐更自稱創作左按摩美療，話可以有病醫病，冇病強身。
搵埋幾個師九合作，話要創一番事業。更係有粱師九份啦，佢聽到雞雞姐姐講到個市場計劃咁好搵，梗係要預埋一份，就係咁開始左一間心x心妝按摩院+學院。

來來來八一八

呢個係板主新開既部落，以滿足人類既求知慾及真相而開設，如果大家有料爆既話，記得留意見喇，以上以下所有故事均屬虛構，如有雷同實巧合！
首先要介紹一下呢個故事人物及地點先：
故事係圍繞一間按摩院發生既逸事，女主角奠艷雞，職業係疑似老細，實質未明，不學無術，最叻係乜睇落去就知喇。
女配角梁師九，一般師九，最叻扮靚，衰怕事，以後有好多同佢有關既趣事。
還有閒角準陳師九，佢係粱師九好姊妹。
老臨：深深﹝粱師九老公﹞、肥肥仁﹝女主角隻馬﹞。
從此就多事喇！